NATURALIZATION OF MICHAEL DE VILLANUEVA.

Partial transcription of the French naturalization of Michael de Villanueva, granted by Henri II, King of France, in 1548 and 1549. The original document was divided in 21 pages to make it easier to examine. Below, we have reproduced the first two pages, the so called Royal Letters, and the last two pages, 20 and 21, that close the Naturalization. The most remarkable details about Michael are in bold: that he was Doctor of Medicine, native from Tudela in the Kingdom of Navarre, and that he had lived in Paris, Lyon, Montpellier, and Vienne Isère. Finally, the King applied his seal in order to keep the naturalization “stable forever." This is the first time these documents of Michael de Villanueva's have been graphically reproduced, from Pierre de Saint-Olive de Faverges, which is now in Grenoble .

[1–Parchment. It clearly states : Michel de Villenefve, docseur de medicine, natif de Tudelle au Royalme de Navarre… Figs. 1a, 1b and 2]


[modern seal « Archives de Faverges »]

Henry par la grace de Dieu Roy de France, daulphin de Viennoys, Conte de Valentinoys et Dioys, scavoyr faysons à tous presentz et advenir, Nous avoyr seceu l’humble supplication de nostre bien amé Me Michel de Villeneufve, docseur en médicine, natif de Tudelle au Royaulme de Navarre, contenant que despuys long temps en ça il seroit venu habiter et demeurer en nostre Royalme, tant à Montpellier, Paris, Lyon, que despuys à Vienne en nostre pays de Daulphiné, ou il est de present demeurant, et en icelle ville et aultres lieux de nostre dict Royalme, par son industrie et practique, il auroit acquis plusieurs biens meubles et si auroit intention et voulloyr les augmenter et y en acquerir des immeubles, pour vivre et entretenir son estat le temps advenir, esperant y finir et parachever ses jours. Toutesfoys il doubte que au moyen de noz ordonnances et obstant qu’il seroit estranger et non natif de nostre dict Royaulme et pays de Daulphiné, il ne luy seroit loysible de tester et disposer de ses biens tant en derniere voullanté que aultrement, et que après son trespas noz officiers ou aultres les voulsissent pretendre nous competer et appartenir par droict d’aulbayne ou aultrement,[…] Car tel est nostre playsir, nonobstant quelconques ordonnances, mandementz, restrictions ou deffenses à ce contraires. Et affin que ce soit chose ferme et estable a tousiours, Nous avons faict mettre notre seel a ces dictes presentes, sauf en aultre chose nostre droict et l’aultruy en toutes.

Donné[con tinta más oscura] à Moulins ou moys d’octobre l’an de grace mil cinq cent quarante huict et de nostre Regne le deuxieme.

[hollow sign where the Royal seal was placed. The seal--made of green wax, with hanging green and red silk ribbons--is missing here]

[verso or p.2, parchment on the pinched fold of the initial previously described parchment. Fig. 3]




[in darker ink ] Par le Roy daulphin l’evesque de Mande maistre des Requestes ordinaires de l’hostel, present, Burgensis [signature]


[sepia ink]Contentor Coefier[signature]

[with an empty space, for the the seal on this face] Verificatum in Camera computorum per me secretarium

Ferrand [signature]

[in this same pinched fold there is a signature, and another under the front page, perpendicular to the information stated in the pinched fold] Les lettres de naturalité de Michel de Villenefve

[end of the parchment of the Royal Letters]


[In p.3 to p. 20, that are not copied now, for this is just a summary of the naturalization. Michael is always called Michael de Villanueva, or Michel de Villenefve. Archives de l’Isère de Grenoble]


[p.21, Once again the document states that Michael de Villanueva was a native of Tudela in the Kingdom of Navarre living in Vienne Isère. Fig.4 and 5].




Je Artus Prunier, conseiller du Roy, trésorier et receveur général du Dauphiné confesse avoir receu de Me Michel de Villeneufve, natif de Tudelle au Royalme de Navarre, à présent habitant en la ville de Vyenne, la somme de treize livres dix sols tournois pour la valeur de six escus d’or soleil, à quoy a esté modéreée par nossgrs des comptes de Daulphiné la finance qu’il doibt au Roy pour raison des lettres de naturalité obtenues […]. De laquelle somme de VI escus soleil je suis content et en quicte led. de Villenefve et tous autres. Tesmoing mon seing cy mis le cinquiesme jour de juillet l’an mil cinq cens quarante neuf.

Prunier[signature]

Registrata in camera computorum Dalphinatus, anno et die predictis.

Ferrand [signature]

[Two modern seals from “Archives de Faverges,” in the end of the document]

[p.22. The final parchment, which closes all the naturalization process.  It has two seals from the XVI century. States that the Royal Letters hold green wax, with hanging green and red silk ribbons, that under the Royal and Dauphiné authority, it grants permission to the master Michael de Villanueva, Doctor of Medicine, native from Tudela in the Kingdom of Navarre, on the requested demands carried out with the counterseal of the Comptes( Finance). Fig. 6A, 6b and 7]


Les gens des comptes du Daulphiné, conseilliers du Roy, nostre Sire, à tous ceulx qui ces presentes lettres verront, salut. Savoir faissons que, veu par nous au bureau desd. Comptes les lettres patentes dud. seigneur donnés a Mollins (sic) ou moys d’octobre mil cinq cens quarante huict, signées sur le repli: Par le Roy daulphin, l’évesque de Mande, maistre de requestes ordinaire de l’hostel présent, Burgensis, seellées en cire verte à laz de soye verte et rouge pendans, par lesquelles et pour les causes en icelles contenues led. Seigneur Roy daulphin de sa grace espéciale, plaine puissance et auctorité roïal et dalphinal, a donné et octroïé, congé, licence et permission à maistre Michel de Villenefve docteur en médicine natif de Tudelle au Royalme de Navarre, quil puisse et luy soit loysible acquérir, tenir et possèder en son Royalme de France, present pays de Daulphiné et autres terres, pays et seigneuries de son obéissance tous et chescuns les biens meubles et inmeubles qu’il a et y pourroit légitimement acquérir et en joïr et user plainement et paisiblement et d’iceulx, ensemble de ceulx quil a ja acquis, tester, ordonner et disposer par testament, ordonnance ou dernière volunté, donation faicte entre vifz et autrement, ainsi que bon luy semblera, et que sesd. héritiers ou ayantz cause ou autres à qui il en disposera ou fera ses héritiers presentz et advenir puissent après son trespas respectivement luy succèder […] en lad. chambre des Comptes enregistrée, cy ensemble lesd. letrres, informations et requestes actachées soubz le contreseel desd. Comptes. Le tout consideré et actendu le païement de lad. finance faict par led. de Villenefve en tant que à nous est, avons intériné et intérinons aud. de Villenefve impétrant lesd. lettres patentes de naturalité, consenty et consentons qu’il joïsse et use de l’effect d’icelles selon leur propre forme et teneur, sauf en autres choses le droict dud. seigneur et l’ aultruy en toutes. Donné à Grenoble en lad. Chambre où estoient nous, Jehan Fléhard, président, François Ventolet, Ennemond Fléhard, Anthoine de la Columbière et Roland Carlet, maistres et auditeurs, le cinquiesme jour de julliet l’an mil cinq cens quarante neuf.

Par mesd. seigneurs des Comptes du Dauphiné.

Ferrand [signature]



[Two sheet seals from the XVI century, the one on the left in red wax, and the circular one of the end, very similar to the one described in p.6 with relief, that is mentioned as counterseal. Two modern seals from the “Archives de Faverges” are added. One of them on the left parchment of the already described final sheet seal]

According to Rude, F. (1953). Corrected by us from the original document of Pierre de Saint-Olive in Favegers, which is now in Grenoble.